"Ювентус" бош мураббийи Игор Тудор клубдаги келажаги ҳақидаги саволга жавоб берди. Туринликлар сўнгги тур ўйинида “Венеция”ни мағлуб этишди (3:2) ва А Серияда тўртинчи ўринни эгаллади.
Хорватиялик мураббий ўз вазифасини бажарди, у жамоани Чемпионлар лигасига олиб чиқди. Бироқ мутахассиснинг келажаги ноаниқлигича қолмоқда.
"Менинг келажагим клублар ўртасидаги жаҳон чемпионатидан кейин эмас, балки ундан олдин аниқланади. Буни тез орада билиб оласиз", - деди жамоа мураббийи.
Эслатиб ўтамиз, Игор Тудор бу лавозимни март ойида ишдан бўшатилган Тиаго Мотта ўрнига эгаллаган эди.
