La Liganing so‘nggi turi o‘yinlari bo‘lib o‘tdi, “Vilyarreal” o‘z maydonida “Sevilya”ni qabul qildi va to‘rtta gol urib, muvaffaqiyatli kampaniyaga samarali nuqta qo‘ydi. Shu tariqa, “Vilyarreal” joriy mavsumda urilgan gollar sonini 71 taga yetkazdi va bu klubning yangi rekordi hisoblanadi.
“Sariq suv osti kemasi” avvalgi rekordini ortda qoldirdi. Jamoa 2004/2005 yilgi mavsumda 69 ta gol urgan edi.
Klub hozirda Ispaniya chempionatida beshinchi o‘rinni egalladi. Bu "Vilyarreal"ga kuzda Chempionlar ligasida o‘ynash huquqini beradi.
