"Liverpul" bosh murabbiyi Arne Slot klub ba’zi futbolchilar bilan xayrlashishga majbur bo‘lishini istisno etmayapti.
Trent Aleksandr-Arnold muddati tugaydigan shartnomasini uzaytirmaslikka qaror qilib, “qizillar”ni albatta tark etadi. Ommaviy axborot vositalari menejerdan yozda yana kim ketishi mumkinligini so‘rashdi.
"Bu mavsumda muntazam mashg‘ulot o‘tkazmagan barcha futbolchilar qolishni xohlaydimi yoki yo‘qmi, hozircha bilmayman. Buni yaqin haftalarda bilib olamiz. Bizni hech kim shoshiltirmayapti, ish tinch ketmoqda", - dedi Slot.
"Liverpul" niderlandiyalik murabbiy qo‘l ostidagi ilk mavsumda Angliya chempioniga aylandi.
