"Barselona" forvardi Robert Levandovski kataloniyaliklar bir yo‘la uchta yirik sovrinni qo‘lga kiritgan fantastik mavsum-2024/25dan so‘ng samimiy hissiyotlari bilan o‘rtoqlashdi.
"Men ushbu jamoa va buyuk klubning bir qismi ekanligimdan chin dildan faxrlanaman. Bu mavsum chindan ham ajoyib bo‘ldi. Men nafaqat umumiy g‘alabalar uchun, balki maydonda va maydondan tashqarida o‘yinga bo‘lgan munosabatim uchun ham kuch sarflashga harakat qilaman. Chunki jamoamizda ko‘plab yosh iste’dodlar bor va biz ularni qo‘llab-quvvatlashimiz lozim," - deb aytdi Levandovski "Barselona"ning ijtimoiy tarmoqlardagi rasmiy sahifasida.
O‘tgan mavsumda "Barselona" La Ligada zafar quchdi, shuningdek, Ispaniya kubogi va mamlakat Superkubogini qo‘lga kiritdi. Chempionlar Ligasida kataloniyaliklar yarim final bosqichida "Inter"ga imkoniyatni boy berib qo‘ydi.
