"Барселона" форварди Роберт Левандовски каталонияликлар бир йўла учта йирик совринни қўлга киритган фантастик мавсум-2024/25дан сўнг самимий ҳиссиётлари билан ўртоқлашди.
"Мен ушбу жамоа ва буюк клубнинг бир қисми эканлигимдан чин дилдан фахрланаман. Бу мавсум чиндан ҳам ажойиб бўлди. Мен нафақат умумий ғалабалар учун, балки майдонда ва майдондан ташқарида ўйинга бўлган муносабатим учун ҳам куч сарфлашга ҳаракат қиламан. Чунки жамоамизда кўплаб ёш истеъдодлар бор ва биз уларни қўллаб-қувватлашимиз лозим," - деб айтди Левандовски "Барселона"нинг ижтимоий тармоқлардаги расмий саҳифасида.
Ўтган мавсумда "Барселона" Ла Лигада зафар қучди, шунингдек, Испания кубоги ва мамлакат Суперкубогини қўлга киритди. Чемпионлар Лигасида каталонияликлар ярим финал босқичида "Интер"га имкониятни бой бериб қўйди.
