"Napoli" "Ayaks" futbolchisi Kennet Taylorga qiziqish bildirmoqda.
Klub kelasi mavsumda yarim himoya chizig‘ini kuchaytirmoqchi va 23 yoshli futbolchini nishonga oldi, deya xabar bermoqda jurnalist Janluka Di Marsio.
Neapol klubi vakillari futbolchini bir necha bor o‘yinlarda kuzatgan bo‘lsa, Taylorning agentlari o‘tgan juma kuni "Kalyari"ga qarshi o‘yinda Neapolda bo‘lishgandi.
Qayd etilishicha, niderlandiyalik futbolchi yarim himoyada o‘ynashi, shuningdek, oldinga o‘tishi mumkin. "Ayaks" uning uchun taxminan 25-30 million yevro narx belgilagan.
Joriy mavsumda Kennet Erediviziyada 33 ta o‘yinda 9 ta gol urdi va 6 ta golli uzatmani amalga oshirdi.
