"Наполи" "Аякс" футболчиси Кеннет Тайлорга қизиқиш билдирмоқда.
Клуб келаси мавсумда ярим ҳимоя чизиғини кучайтирмоқчи ва 23 ёшли футболчини нишонга олди, дея хабар бермоқда журналист Жанлука Ди Марцио.
Неаполь клуби вакиллари футболчини бир неча бор ўйинларда кузатган бўлса, Тайлорнинг агентлари ўтган жума куни "Кальяри"га қарши ўйинда Неаполда бўлишганди.
Қайд этилишича, нидерландиялик футболчи ярим ҳимояда ўйнаши, шунингдек, олдинга ўтиши мумкин. "Аякс" унинг учун тахминан 25-30 миллион евро нарх белгилаган.
Жорий мавсумда Кеннет Эредивизияда 33 та ўйинда 9 та гол урди ва 6 та голли узатмани амалга оширди.
