Dortmundning "Borussiya" klubi Vodafone bilan hamkorlikni boshlaganini e’lon qildi.
Dunyodagi eng yirik uyali aloqa operatorlaridan biri va nemis klubi o‘rtasida 5 yillik shartnoma imzolandi. Britaniya kompaniyasi "Borussiya"ning bosh homiysiga aylanadi.
Qora rangli Vodafone logotipi 2025/26 yilgi mavsumdan boshlab Dortmund futbolkalarining old qismida paydo bo‘ladi.
"Biz so‘nggi o‘n yil davomida Chempionlar ligasida barqaror o‘ynab kelmoqdamiz va Vodafone har doim o‘z sohasida eng yuqori darajadagi mahoratni namoyish etib kelmoqda.
Shunday taniqli hamkorni hozirgi iqtisodiy murakkab davrda kuchlarni birlashtirishga ishontira olganimizdan xursandmiz," - dedi "Borussiya" bosh direktori Xans-Yoaxim Vatske.
Eslatib o‘tamiz, avvalroq Vodafone "MYU" va Chempionlar ligasi homiysi bo‘lgandi.















