Дортмунднинг "Боруссия" клуби Vodafone билан ҳамкорликни бошлаганини эълон қилди.
Дунёдаги энг йирик уяли алоқа операторларидан бири ва немис клуби ўртасида 5 йиллик шартнома имзоланди. Британия компанияси "Боруссия"нинг бош ҳомийсига айланади.
Қора рангли Vodafone логотипи 2025/26 йилги мавсумдан бошлаб Дортмунд футболкаларининг олд қисмида пайдо бўлади.
"Биз сўнгги ўн йил давомида Чемпионлар лигасида барқарор ўйнаб келмоқдамиз ва Vodafone ҳар доим ўз соҳасида энг юқори даражадаги маҳоратни намойиш этиб келмоқда.
Шундай таниқли ҳамкорни ҳозирги иқтисодий мураккаб даврда кучларни бирлаштиришга ишонтира олганимиздан хурсандмиз," - деди "Боруссия" бош директори Ханс-Йоахим Ватцке.
Эслатиб ўтамиз, аввалроқ Vodafone "МЮ" ва Чемпионлар лигаси ҳомийси бўлганди.
