Braziliya terma jamoasi bosh murabbiyi Karlo Anchelotti "Santos" hujumchisi Neymarni nega terma jamoaga chaqirtirmagani haqida gapirdi.

"Yaxshi formada bo‘lgan futbolchilarni tanlashga harakat qildim. Yaqinda Neymar jarohat oldi. Hamma biladiki, u juda muhim o‘yinchi va har doim shunday bo‘lib qoladi. Ayni paytda bizda Neymar kabi jarohatlardan aziyat chekayotgan va terma jamoaga chaqirilmaydigan futbolchilar ko‘p.

Neymarga kelsak, biz unga ishonamiz. Braziliya unga umid qilmoqda. U o‘ynash va jahon chempionatiga yaxshi tayyorgarlik ko‘rish uchun Braziliyaga qaytdi. Qarorimni tushuntirish uchun u bilan gaplashdim. U bunga to‘liq qo‘shiladi," - deya Anchelottining so‘zlarini keltiradi Marca.