Milanning "Inter" klubi bosh murabbiyi Simone Indzagi ikki yil avvalgi ECHL finalidagi mag‘lubiyatni yodga oldi.
2023 yilda "neradzurrilar" hal qiluvchi bahsda "Manchester Siti"ga yutqazishgandi - 0:1. Oradan ikki yil o‘tib milanliklar yana finalga chiqishdi - bu safar raqib "PSJ" bo‘ladi.
"Biz o‘sha finalni juda yaxshi eslaymiz, xuddi u kecha bo‘lib o‘tgandek. Bizga juda kuchli jamoa qarshilik ko‘rsatdi. Balki hisobni tenglashtirib, o‘yinni qo‘shimcha bo‘limlarga o‘tkazishga loyiq bo‘lgandirmiz, ammo o‘sha tajriba baribir muhim. O‘shanda biz nimalarga qodirligimizni tushundik," - dedi Indzagi matbuot anjumanida.













