"Atletiko" "Malyorka" darvozabonini o‘z safiga qo‘shib olmoqchi.
Madrid klubi darvozabon pozisiyasini kuchaytirish uchun Leo Romanni asosiy maqsad sifatida ko‘rmoqda, deb yozadi As.
"Atletiko"da hozirgi klubida qolishni istayotgan, ammo Saudiya Arabistoni jamoalaridan ham qiziqish bo‘layotgan 32 yoshli Yan Oblakka o‘rinbosar topish haqida o‘ylay boshlashdi.
Romanning transferi bo‘yicha hali muzokaralar olib borilmagan, ammo yaqin orada boshlanishi mumkin. 24 yoshli posbonning "Malyorka" bilan shartnomasi 2026 yilgacha mo‘ljallangan, uning tovon puli 10 mln yevrodan sal ko‘proq. Ammo bu transfer "Atletiko"ga arzonroqqa tushishi mumkin - 6-7 mln yevro.
Roman La Liganing o‘tgan mavsumida 7ta o‘yinda maydonga tushib, 10ta gol o‘tkazib yuborgan.
