"Roma" matbuot xizmati "Fiorentina" yarim himoyachisi Nikola Dzanyolo bilan bog‘liq voqea yuzasidan yangi bayonot berdi.

Futbolchi poytaxt yoshlar jamoasining ikki futbolchisini urgan, shundan so‘ng uzr so‘ragan, biroq bu faqat og‘zaki janjal ekanini ta’kidlagan.

"26 may oqshomida «Viola Park» stadionida bo‘lib o‘tgan «Roma» va «Fiorentina» o‘rtasidagi Primavera yarim final uchrashuvidan so‘ng, Nikolo Dzanyolo («Fiorentina»ning asosiy futbolchisi) tegishli akkreditasiyaga ega bo‘lmaganiga qaramay, tanishi hamrohligida «Roma» kiyinish xonasiga noqonuniy ravishda kirib kelgan.

Guvohlarning so‘zlariga ko‘ra, Dzanyolo mast bo‘lgani aniq. U yoshlar jamoasi o‘yinchilarini g‘azablantirdi va so‘ng Mattia Almavivaga musht tushirdi va Marko Littini zaxira o‘rindig‘i tomon qattiq turtib yubordi.

Yelkasidagi jarrohlik amaliyotidan tuzalib chiqqan Litti va Almaviva tibbiy ko‘rikdan o‘tish uchun shifoxonaga olib ketilgan.

"Roma" o‘zining yosh futbolchilarini to‘liq qo‘llab-quvvatlaydi va Dzanyoloning "Viola Park"dagi tajovuzkor va asossiz xatti-harakatlaridan qattiq g‘azabda.

Umid qilamizki, vakolatli organlar adolatni ta’minlash va Italiya futboli qadriyatlarini himoya qilish uchun qat’iy choralar ko‘radi", - deb yozdi «Roma» matbuot xizmati.