"Рома" матбуот хизмати "Фиорентина" ярим ҳимоячиси Никола Дзаньоло билан боғлиқ воқеа юзасидан янги баёнот берди.
Футболчи пойтахт ёшлар жамоасининг икки футболчисини урган, шундан сўнг узр сўраган, бироқ бу фақат оғзаки жанжал эканини таъкидлаган.
"26 май оқшомида «Виола Парк» стадионида бўлиб ўтган «Рома» ва «Фиорентина» ўртасидаги Примавера ярим финал учрашувидан сўнг, Николо Дзаньоло («Фиорентина»нинг асосий футболчиси) тегишли аккредитацияга эга бўлмаганига қарамай, таниши ҳамроҳлигида «Рома» кийиниш хонасига ноқонуний равишда кириб келган.
Гувоҳларнинг сўзларига кўра, Дзаньоло маст бўлгани аниқ. У ёшлар жамоаси ўйинчиларини ғазаблантирди ва сўнг Маттиа Алмавивага мушт туширди ва Марко Литтини захира ўриндиғи томон қаттиқ туртиб юборди.
Елкасидаги жарроҳлик амалиётидан тузалиб чиққан Литти ва Алмавива тиббий кўрикдан ўтиш учун шифохонага олиб кетилган.
"Рома" ўзининг ёш футболчиларини тўлиқ қўллаб-қувватлайди ва Дзаньолонинг "Виола Парк"даги тажовузкор ва асоссиз хатти-ҳаракатларидан қаттиқ ғазабда.
Умид қиламизки, ваколатли органлар адолатни таъминлаш ва Италия футболи қадриятларини ҳимоя қилиш учун қатъий чоралар кўради", - деб ёзди «Рома» матбуот хизмати.
