"Qizil iblislar" uni "Vulverxempton"dan sotib olishga rozi bo‘lganidan so‘ng, Mateus Kunya tibbiy ko‘rikdan o‘tish uchun "Manchester Yunayted"ga yo‘l oldi.
Kecha ma’lum bo‘lishicha, "bo‘rilar" "Manchester Yunayted"ning Kunyaning 62,5 million funt sterling tovon pulini besh yil davomida to‘lash haqidagi iltimosini rad etgan.
"Qizil iblislar" Kunyaning shartnomasida ko‘rsatilganidek, 62,5 million funt sterling to‘lashga rozi bo‘ldi: ikki yil davomida uchga bo‘lib.
"Manchester Yunayted" 62,5 million funt sterlingning uchdan bir qismini oldindan, uchdan birini 2025/26 yilgi mavsum oxirida, qolganini esa 2026/27 yilgi mavsum oxirida to‘laydi.
Sky Sports xabariga ko‘ra, "Vulverxempton" "qizil iblislarga" Kunyani tibbiy ko‘rikdan o‘tishga taklif qilish va kelishuvni yakunlash uchun ruxsat berishdi.
Joriy mavsumda APLda 15 ta gol urgan 26 yoshli braziliyalik futbolchi Chempionlar ligasiga chiqa olmaganiga qaramay, "Manchester Yunayted"ga o‘tayotganidan xursand.
