"Manchester Yunayted" sardori Brunu Fernandesh payshanba kuniga qadar "Al-Hilol"ning so‘nggi taklifiga javob berishi kerak.
“Al-Hilol” “Manchester Yunayted”da haftasiga 280 ming funt maosh oladigan Fernandeshga har yetti kunda 700 ming funt maosh berishga tayyor.
"Al-Hilol" portugaliyalik yarim himoyachiga taklif qilayotgan uch yillik shartnomaning umumiy qiymati 200 million funtni tashkil qiladi.
Daily Mail nashri xabariga ko‘ra, saudiyaliklar Fernandesh vakillari bilan ma’lum muddat muzokara olib borishgan, shundan so‘ng ular yakuniy taklifni bildirishgan va Brunuga uni qabul qilish yoki rad etish uchun 72 soat vaqt berishgan.
72 soatlik muddat payshanba kuni yakunlanadi, Fernandesh bu taklifni qabul qilsa, "Al-Hilol" "Manchester Yunayted"ga 100 million funt tovon puli to‘lashga tayyor bo‘ladi.
Agar Fernandesh rad javobini bersa, "Al-Hilol" e’tiborini "Aston Villa" futbolchisi Yuri Tilemans yoki "Atalanta" vakili Edersonga qaratadi.













