"Манчестер Юнайтед" сардори Бруну Фернандеш пайшанба кунига қадар "Ал-Ҳилол"нинг сўнгги таклифига жавоб бериши керак.
“Ал-Ҳилол” “Манчестер Юнайтед”да ҳафтасига 280 минг фунт маош оладиган Фернандешга ҳар етти кунда 700 минг фунт маош беришга тайёр.
"Ал-Ҳилол" португалиялик ярим ҳимоячига таклиф қилаётган уч йиллик шартноманинг умумий қиймати 200 миллион фунтни ташкил қилади.
Daily Mail нашри хабарига кўра, саудияликлар Фернандеш вакиллари билан маълум муддат музокара олиб боришган, шундан сўнг улар якуний таклифни билдиришган ва Брунуга уни қабул қилиш ёки рад этиш учун 72 соат вақт беришган.
72 соатлик муддат пайшанба куни якунланади, Фернандеш бу таклифни қабул қилса, "Ал-Ҳилол" "Манчестер Юнайтед"га 100 миллион фунт товон пули тўлашга тайёр бўлади.
Агар Фернандеш рад жавобини берса, "Ал-Ҳилол" эътиборини "Астон Вилла" футболчиси Юри Тилеманс ёки "Аталанта" вакили Эдерсонга қаратади.
