"Real Sosyedad" klubi qanot hujumchisi Takefusa Kubo yozgi transferlar oynasidagi mashhur futbolchilardan biriga aylanishi mumkin.
El Diario Vasco nashri tarqatgan xabarga ko‘ra bask klubi 23 yoshli yaponiyalik futbolchining tovon puli - 60 million yevroni to‘liq to‘lash sharti bilangina uni qo‘yib yuborishga tayyor. Kuboga bir vaqtning o‘zida bir nechta top-klublar, jumladan, Angliya Premyer-ligasi vakillari qiziqish bildirmoqda, mish-mishlarga ko‘ra, futbolchining atrofidagilar allaqachon ular bilan aloqa o‘rnatgan.
Transfer amalga oshgan taqdirda, futbolchining huquqlariga egalik qilgan "Real" bitim summasining 50 foizini oladi.
Takefusa Kuboning hozirgi klubi bilan shartnomasi 2029 yilgacha mo‘ljallangan.
