"Реал Сосьедад" клуби қанот ҳужумчиси Такефуса Кубо ёзги трансферлар ойнасидаги машҳур футболчилардан бирига айланиши мумкин.
El Diario Vasco нашри тарқатган хабарга кўра баск клуби 23 ёшли япониялик футболчининг товон пули - 60 миллион еврони тўлиқ тўлаш шарти билангина уни қўйиб юборишга тайёр. Кубога бир вақтнинг ўзида бир нечта топ-клублар, жумладан, Англия Премьер-лигаси вакиллари қизиқиш билдирмоқда, миш-мишларга кўра, футболчининг атрофидагилар аллақачон улар билан алоқа ўрнатган.
Трансфер амалга ошган тақдирда, футболчининг ҳуқуқларига эгалик қилган "Реал" битим суммасининг 50 фоизини олади.
Такефуса Кубонинг ҳозирги клуби билан шартномаси 2029 йилгача мўлжалланган.
