"Bayer" "Manchester Yunayted"ning ikki futbolchisi - Antoni va Alexandro Garnachoni sotib olish imkoniyatini muhokama qilmoqda. Bu haqda Kicker xabar bermoqda.
Eslatib o‘tamiz, bungacha "qizil iblislar"ni boshqargan Erik ten Xag "dorishunoslar" bosh murabbiyiga aylangandi. U allaqachon bu futbolchilar bilan ingliz klubida ishlagan va braziliyalik futbolchini “Ayaks”dagi vaqtidan beri biladi. Manbaga ko‘ra, "Milan" va "Napoli" ham qiziqish bildirayotgan argentinalik futbolchining transferi hozircha dargumon.
Antoni o‘tgan mavsumning ikkinchi qismini ijara asosida "Betis"da o‘tkazdi. 2024/2025 yilgi klub mavsumida u 40 ta o‘yinda 10 ta gol urdi va 5 ta golli uzatmani amalga oshirdi. Garnacho o‘tgan mavsumda 58 o‘yinda 11 gol urdi va 10 golga assistentlik qildi.













