"Байер" "Манчестер Юнайтед"нинг икки футболчиси - Антони ва Алехандро Гарначони сотиб олиш имкониятини муҳокама қилмоқда. Бу ҳақда Kicker хабар бермоқда.
Эслатиб ўтамиз, бунгача "қизил иблислар"ни бошқарган Эрик тен Хаг "доришунослар" бош мураббийига айланганди. У аллақачон бу футболчилар билан инглиз клубида ишлаган ва бразилиялик футболчини “Аякс”даги вақтидан бери билади. Манбага кўра, "Милан" ва "Наполи" ҳам қизиқиш билдираётган аргентиналик футболчининг трансфери ҳозирча даргумон.
Антони ўтган мавсумнинг иккинчи қисмини ижара асосида "Бетис"да ўтказди. 2024/2025 йилги клуб мавсумида у 40 та ўйинда 10 та гол урди ва 5 та голли узатмани амалга оширди. Гарначо ўтган мавсумда 58 ўйинда 11 гол урди ва 10 голга ассистентлик қилди.
