«PSJ»ning sobiq yarim himoyachisi Xavyer Pastore Neymarning «Barselona»dan parijliklar safiga 222 million yevro evaziga o‘tganini esga oldi.

«Bu haqiqatan ham ajoyib voqea edi. Biz futbolchi bozorda bunday katta summaga baholanishi mumkinligini tasavvur ham qilmagan edik. Lekin avval unga raqib sifatida, keyin esa bir jamoada to‘p surar ekansan, bu summa hatto kam baholangan deb o‘ylaysan.

U bilan birga o‘ynash va uning atrofida bo‘layotgan voqealarni kuzatish haqiqiy aqldan ozish edi. Neymar – shunchaki futbolchi emas, u bundan ancha ko‘p narsa. Lionel Messidan keyin men o‘ynagan eng yaxshi futbolchi — aynan u. U transferi orqali futbolni o‘zgartirdi, barcha qoliplarni buzib tashladi», — degan Pastore so‘zlarini keltiradi AS nashri.

Eslatib o‘tamiz, Neymarning «Barselona»dan «PSJ»ga transferi 2017 yil avgust oyida amalga oshgan va u dunyodagi eng qimmat transfer sifatida rekord o‘rnatgan — 222 million yevro. Braziliyalik futbolchi «PSJ» safida 173 ta o‘yinda ishtirok etib, 118 ta gol urgan va 79 ta golli uzatma amalga oshirgan.