"Sanderlend" yarim himoyachisi Job Bellingem "Ayntraxt"ga o‘tish fikridan bosh tortdi. Frankfurter Rundschau xabariga ko‘ra, futbolchi klub bazasi, stadioniga tashrif buyurgan va klub infratuzilmasini ko‘zdan kechirganidan so‘ng shunday qarorga kelgan.
26 may, dushanba kuni ingliz futbolchisi klub bilan muzokaralar o‘tkazish uchun ota-onasi bilan Frankfurtga kelgan edi. "Sanderlend" futbolchisiga "Ayntraxt"dan tashqari "Borussiya Dortmund" va "RB Leypsig" ham qiziqish bildirmoqda.
2024/2025 yilgi mavsum yakuniga ko‘ra, "Sanderlend" Angliya Premyer-ligasining navbatdagi mavsumida ishtirok etish huquqini qo‘lga kiritdi.













