"Сандерленд" ярим ҳимоячиси Жоб Беллингем "Айнтрахт"га ўтиш фикридан бош тортди. Frankfurter Rundschau хабарига кўра, футболчи клуб базаси, стадионига ташриф буюрган ва клуб инфратузилмасини кўздан кечирганидан сўнг шундай қарорга келган.

26 май, душанба куни инглиз футболчиси клуб билан музокаралар ўтказиш учун ота-онаси билан Франкфуртга келган эди. "Сандерленд" футболчисига "Айнтрахт"дан ташқари "Боруссия Дортмунд" ва "РБ Лейпциг" ҳам қизиқиш билдирмоқда.

2024/2025 йилги мавсум якунига кўра, "Сандерленд" Англия Премьер-лигасининг навбатдаги мавсумида иштирок этиш ҳуқуқини қўлга киритди.