"Pari Sen-Jermen" jamoasi bosh murabbiyi Luis Enrike Milanning "Inter" klubi bilan bo‘lib o‘tadigan Chempionlar ligasi finalining ahamiyati haqida gapirdi.
Parijliklar o‘z tarixida ilk bor turnir g‘olibiga aylanishi mumkin. Hal qiluvchi bahs 31 may kuni bo‘lib o‘tadi.
"Finalga xotirjam kayfiyatda chiqishga harakat qilaman. Futbolchilarga aytmoqchimanki, bu ular uchun tarixga kirish uchun ajoyib imkoniyat. "PSJ" hali hech qachon bunga erishmagan, shuning uchun bizning yutug‘imiz haqiqatan ham noyob bo‘lishi mumkin," - dedi ispaniyalik murabbiy matbuot anjumanida.
