"Пари Сен-Жермен" жамоаси бош мураббийи Луис Энрике Миланнинг "Интер" клуби билан бўлиб ўтадиган Чемпионлар лигаси финалининг аҳамияти ҳақида гапирди.
Парижликлар ўз тарихида илк бор турнир ғолибига айланиши мумкин. Ҳал қилувчи баҳс 31 май куни бўлиб ўтади.
"Финалга хотиржам кайфиятда чиқишга ҳаракат қиламан. Футболчиларга айтмоқчиманки, бу улар учун тарихга кириш учун ажойиб имконият. "ПСЖ" ҳали ҳеч қачон бунга эришмаган, шунинг учун бизнинг ютуғимиз ҳақиқатан ҳам ноёб бўлиши мумкин," - деди испаниялик мураббий матбуот анжуманида.
