Milanning "Inter" klubi bosh murabbiyi Simone Indzagi Chempionlar Ligasi finalidan o‘rin olgan "PSJ"ga (0:5) qarshi o‘yindan keyingi taassurotlari bilan o‘rtoqlashdi.
"Tabiiyki, bugun yaxshiroq o‘ynashimiz kerak yedi, ammo men baribir futbolchilarning bu mavsumda qilgan ishlarini unutmayman. Ha, yakunda sovrinlarni qo‘lga kirita olmadik, ammo jamoa juda yaxshi yedi. Kiyinish xonasidagi futbolchilarga boshlarini baland ko‘tarib yurish kerakligini aytdim. Bugungi umidsizlikka qaramay, ular maqtovga loyiq," - deya Indzagining so‘zlarini keltiradi Football Italia.
