“PSJ” Chempionlar ligasidagi g‘alaba evaziga birinchi bo‘lib navbatdagi klublar o‘rtasidagi jahon chempionatiga yo‘llanma oldi.

Parij klubi Myunxenda bo‘lib o‘tgan Chempionlar ligasi finalida “Inter”ni 5:0 hisobida mag‘lub etdi.

RMC Sport xabariga ko‘ra, "PSJ" Chempionlar ligasidagi g‘alaba ularning klublar o‘rtasidagi 2029 yilgi jahon chempionatida ishtirok etishini ta’minladi - parijliklar birinchi bo‘lib turnirga yo‘llanmani qo‘lga kiritishdi. Keyingi uchta Chempionlar ligasida g‘olib chiqqan klublar navbatdagi klublar o‘rtasidagi jahon chempionatida ham o‘ynaydi.

2029 yilgi klublar o‘rtasidagi jahon chempionati 2028/29 yilgi mavsumdan keyin o‘tkazilishi kutilmoqda.