Janluiji Donnarumma o‘z talablaridan qaytmoqchi emas.

Insayder Janluka Di Marsioning so‘zlariga ko‘ra, darvozabon "PSJ"ga shartnomani uzaytirish uchun uning so‘rovlarini qondirishi kerakligini aniq aytgan. Italiyalik futbolchi mavsumning muvaffaqiyatli yakunlanganini hisobga olib, avvalgidan ko‘proq narsani talab qilmaydi, biroq u avvalgi shartlardan ham voz kechish niyatida emas.

Shu tariqa, endi hamma narsa parijliklar jamoasining darvozabon talablarini qabul qilishga tayyorligiga bog‘liq.

Qayd etilishicha, Donnarummaga "Manchester Siti" qiziqmoqda. "Shaharliklar" bosh murabbiyi Pep Gvardiola italiyalikni o‘z jamoasida ko‘rishni istaydi.