"Manchester Siti" bosh murabbiyi Pep Gvardiola Lamin Yamal haqida gapirdi.

"U juda ajoyib o‘yinchi. U endigina 17 yoshda, shuning uchun biz unga futbol olamida o‘z yo‘lida borishiga imkon berishimiz kerak, keyin uni tarixdagi eng buyuk futbolchilar bilan solishtirish mumkinmi yoki yo‘qligini ko‘ramiz. Hozir u o‘zi uchun to‘g‘ri joyda, shuning uchun u ajoyib martabaga ega bo‘ladi. Uning yangi shartnomasi o‘yiniga ta’sir qiladi deb o‘ylamayman", dedi Gvardiola.

Joriy mavsumda Lamin Yamal “Barselona” safida barcha turnirlarda 55 ta o‘yinda maydonga tushib, 18 ta gol urdi va 25 ta golli uzatmani amalga oshirdi.