"Манчестер Сити" бош мураббийи Пеп Гвардиола Ламин Ямал ҳақида гапирди.

"У жуда ажойиб ўйинчи. У эндигина 17 ёшда, шунинг учун биз унга футбол оламида ўз йўлида боришига имкон беришимиз керак, кейин уни тарихдаги энг буюк футболчилар билан солиштириш мумкинми ёки йўқлигини кўрамиз. Ҳозир у ўзи учун тўғри жойда, шунинг учун у ажойиб мартабага эга бўлади. Унинг янги шартномаси ўйинига таъсир қилади деб ўйламайман", деди Гвардиола.

Жорий мавсумда Ламин Ямал “Барселона” сафида барча турнирларда 55 та ўйинда майдонга тушиб, 18 та гол урди ва 25 та голли узатмани амалга оширди.