"Liverpul" hujumchisi Darvin Nunyes katta ehtimol bilan yozda jamoasini o‘zgartiradi.

Urugvaylik uch yil muqaddam "Benfika"dan ingliz grandi safiga ko‘chib o‘tgan, biroq o‘zini to‘liq namoyon eta olmagan, buni kuchga kirmagan bonuslar ko‘rsatib turibdi. Transfer "Liverpul"ga 85 million yevroga tushdi - hujumchining muvaffaqiyatiga bog‘liq bo‘lgan barcha ustamalar faollashtirilgan taqdirda, summa 100 million yevroga ko‘tariladi, deya ta’kidlaydi A Bola. Qo‘shimcha 15 mln esa umuman to‘lanmaydiganga o‘xshaydi.

E’tiborlisi, agar Nunyes yana bir bor Premyer-liga yoki Chempionlar ligasi o‘yinida asosiy tarkibda maydonga tushganida, "Liverpul" "Benfika"ga 5 mln yevro ko‘proq to‘lagan bo‘lardi.

Transfermarkt talqiniga ko‘ra, 25 yoshli futbolchining ayni damdagi narxi 45 mln yevroga teng.