"Bavariya" Alfonso Devisning jarohati sababli, Kanadadan norozi.
"Bavariya" va kanadalik himoyachi 26 mart kuni KONKAKAF Millatlar Ligasi 3-o‘rin uchun AQSHga qarshi o‘yinda (2:1) o‘zining kesishgan bog‘lamlarini yirtib olgandi.
Keyinroq Devisning agenti Nedal Xuose jarohatda terma jamoa murabbiylar shtabini aybladi: "Alfonso o‘ynamasligi kerak edi, ammo murabbiy unga bosim o‘tkazdi va mana natija. Milliy terma jamoa futbolchilar bilan yaxshi ish olib borishi kerak".
"Bavariya" bosh direktori Yan-Kristian Drezen klub qonuniy choralar ko‘rish huquqiga ega ekanligini aytdi.
"Joriy yilning mart oyida milliy terma jamoa safida o‘tkazilgan o‘yinda Alfonso Devisning xoch buragi yorilib ketganidan so‘ng, "Bavariya" Kanada futbol assosiasiyasi vakillari bilan futbolchining jiddiy jarohati holatlari yuzasidan keng ko‘lamli muzokaralar olib bordi.
Myunxendagi yig‘ilishda "Bavariya" bosh direktori Yan-Kristian Drizen Kanada futbol assosiasiyasi Alfonso Devisni himoya qilish bo‘yicha o‘z majburiyatlarini to‘liq bajarmaganligini aniq aytdi. Barcha milliy futbol assosiasiyalari singari, Kanada ham o‘z o‘yinchilarining sog‘lig‘ini birinchi o‘ringa qo‘yish majburiyatiga ega.
"Bavariya" FIFA himoya dasturi doirasida Alfonso Devisni yo‘qotgani uchun moliyaviy tovon oladi. Ushbu kompensasiya miqdori aniqlanishi kerak. Yan-Kristian Drezen "Bavariya" bilan shartnoma bo‘yicha o‘yinchilarning milliy assosiasiyalari bilan aloqalarni kuchaytiradi va ular jarohat olgan taqdirda himoya bo‘yicha o‘z majburiyatlarini bajarishlari zarurligini ta’kidlaydi", - deyiladi "Bavariya" bayonotida.
