"Napoli" prezidenti Aurelio De Laurentis "Manchester Siti" yarim himoyachisi Kevin De Bryuyne bilan muzokaralar haqida gapirdi.
Belgiyalik futbolchi allaqachon Italiya chempioniga tekinga o‘tishga rozi bo‘lgan. Kelishuv yaqin haftalarda tasdiqlanadi.
"De Bryuyne bilan muzokaralar uch oy oldin boshlangan. Bu mening faoliyatimdagi eng katta kelishuv emas, lekin Kevin yoshiga qaramay, jahon darajasidagi futbolchi. U yangi o‘yinchilarga muhtoj bo‘lgan jamoamizni kuchaytiradi, chunki bizda to‘rtta turnir bor. Bizda yangi futbolchilar ko‘p bo‘ladi", - deydi De Laurentis.
Kevin De Bryuynega MLS va Saudiya Arabistoni klublari ham qiziqish bildirishgan. Yarim himoyachi oy oxirida 34 yoshga to‘ladi.













