"Наполи" президенти Аурелио Де Лаурентис "Манчестер Сити" ярим ҳимоячиси Кевин Де Брюйне билан музокаралар ҳақида гапирди.
Белгиялик футболчи аллақачон Италия чемпионига текинга ўтишга рози бўлган. Келишув яқин ҳафталарда тасдиқланади.
"Де Брюйне билан музокаралар уч ой олдин бошланган. Бу менинг фаолиятимдаги энг катта келишув эмас, лекин Кевин ёшига қарамай, жаҳон даражасидаги футболчи. У янги ўйинчиларга муҳтож бўлган жамоамизни кучайтиради, чунки бизда тўртта турнир бор. Бизда янги футболчилар кўп бўлади", - дейди Де Лаурентис.
Кевин Де Брюйнега МЛС ва Саудия Арабистони клублари ҳам қизиқиш билдиришган. Ярим ҳимоячи ой охирида 34 ёшга тўлади.
