"Napoli" hujumchisi Viktor Osimxen "Al-Hilol"ga o‘tishga rozi bo‘ldi.
26 yoshli futbolchi avvalroq Saudiya klubini rad etgan edi, biroq yangi va yaxshilangan taklifni qabul qildi, deya xabar beradi insayder Nikolo Skira.
Nigeriyalik futbolchi 2029 yilgacha mo‘ljallangan shartnomasiga ko‘ra, “Al-Hilol”da yiliga 35 million yevro atrofida maosh oladi.
O‘tgan mavsumda Viktor Osimxen ijara asosida Turkiyaning “Galatasaroy” klubiga o‘tgan va u yerda 41 ta o‘yinda 37 ta gol urdi.
Mavjud ma’lumotlarga ko‘ra, "Napoli" forvardni sotishdan taxminan 70 million yevro oladi.
