"Наполи" ҳужумчиси Виктор Осимхен "Ал-Ҳилол"га ўтишга рози бўлди.
26 ёшли футболчи аввалроқ Саудия клубини рад этган эди, бироқ янги ва яхшиланган таклифни қабул қилди, дея хабар беради инсайдер Николо Скира.
Нигериялик футболчи 2029 йилгача мўлжалланган шартномасига кўра, “Ал-Ҳилол”да йилига 35 миллион евро атрофида маош олади.
Ўтган мавсумда Виктор Осимхен ижара асосида Туркиянинг “Галатасарой” клубига ўтган ва у ерда 41 та ўйинда 37 та гол урди.
Мавжуд маълумотларга кўра, "Наполи" форвардни сотишдан тахминан 70 миллион евро олади.













