"Bavariya" vingeri Kingsli Koman yozgi transferlar oynasida klubni tark etishi aniq. Bu qarordan ikkala tomon ham manfaatdor. Fransuzning tez orada ketish ehtimoli - 90 foiz, deydi insayder Fabrisio Romano. 29 yoshli futbolchiga Angliya Premyer-ligasi va Saudiya Arabistoni chempionatida talab bor.

Ma’lumotlarga ko‘ra, Kingsli Komanning o‘zi faoliyatini Saudiya Arabistonida davom ettirishni ma’qul ko‘rmoqda. O‘tgan mavsumda futbolchi Vensan Kompani jamoasi safida barcha musobaqalarda 41 ta o‘yinda 7 ta gol va 4 ta golli uzatmani o‘z hisobiga yozdirib qo‘ydi. Transfermarkt ekspertlari vingerning narxini 30 mln yevroga baholamoqda.