"Бавария" вингери Кингсли Коман ёзги трансферлар ойнасида клубни тарк этиши аниқ. Бу қарордан иккала томон ҳам манфаатдор. Французнинг тез орада кетиш эҳтимоли - 90 фоиз, дейди инсайдер Фабрицио Романо. 29 ёшли футболчига Англия Премьер-лигаси ва Саудия Арабистони чемпионатида талаб бор.

Маълумотларга кўра, Кингсли Команнинг ўзи фаолиятини Саудия Арабистонида давом эттиришни маъқул кўрмоқда. Ўтган мавсумда футболчи Венсан Компани жамоаси сафида барча мусобақаларда 41 та ўйинда 7 та гол ва 4 та голли узатмани ўз ҳисобига ёздириб қўйди. Transfermarkt экспертлари вингернинг нархини 30 млн еврога баҳоламоқда.