"Tottenxem" hujumchisi Son Xyon Min yozgi transfer oynasida jamoani tark etishi mumkin.

Janubiy koreyalik futbolchining shartnomasi bir yildan keyin tugaydi - katta ehtimol bilan "shporlar" kelasi mavsum yakunida uni tekinga yo‘qotmaslik uchun yozda sotib yuborishga qaror qilishadi. Insayder Fabrisio Romano xabariga ko‘ra, so‘nggi haftalarda futbolchi Saudiya Arabistoni klublari bilan muzokaralar olib bormoqda. Tomonlar kelishuvga qanchalik yaqin ekanligi hali aniq emas.

Son Xyon Min 2015 yildan beri "Tottenxem" sharafini himoya qilmoqda. O‘tgan mavsumda forvard 46 ta bahsda 11 ta gol va 12 ta golli uzatmani o‘z hisobiga yozdirib qo‘ydi. London jamoasi sardorining Transfermarkt saytidagi taxminiy narxi - 20 mln yevro.