"Тоттенхэм" ҳужумчиси Сон Хён Мин ёзги трансфер ойнасида жамоани тарк этиши мумкин.
Жанубий кореялик футболчининг шартномаси бир йилдан кейин тугайди - катта эҳтимол билан "шпорлар" келаси мавсум якунида уни текинга йўқотмаслик учун ёзда сотиб юборишга қарор қилишади. Инсайдер Фабрицио Романо хабарига кўра, сўнгги ҳафталарда футболчи Саудия Арабистони клублари билан музокаралар олиб бормоқда. Томонлар келишувга қанчалик яқин эканлиги ҳали аниқ эмас.
Сон Хён Мин 2015 йилдан бери "Тоттенхэм" шарафини ҳимоя қилмоқда. Ўтган мавсумда форвард 46 та баҳсда 11 та гол ва 12 та голли узатмани ўз ҳисобига ёздириб қўйди. Лондон жамоаси сардорининг Transfermarkt сайтидаги тахминий нархи - 20 млн евро.
