Angliyaning "Bornmut" klubi o‘z safiga Belgiya terma jamoasi futbolchisini qo‘shib olishi mumkin. Mail Sport xabariga ko‘ra, "giloslar" PSV Eyndxoven vingeri Joan Bakayoko xizmatlariga qiziqish bildirmoqda.
Manbaga ko‘ra, "Bornmut" allaqachon 25 million yevro atrofida bo‘ladigan birinchi taklifni tayyorlamoqda. 22 yoshli vinger o‘zini Angliya Premyer-ligasida sinab ko‘rishga tayyor, avvalroq uning rivojlanishini boshqa nomdor klublar kuzatib borgan.
O‘tgan mavsumda Bakayoko Niderlandiya chempionatida 9 ta gol va bitta assist qayd etdi. Joan "Bornmut"ning yozgi mavsum oralig‘idagi ilk transferi bo‘lishi mumkin.













