Англиянинг "Борнмут" клуби ўз сафига Бельгия терма жамоаси футболчисини қўшиб олиши мумкин. Mail Sport хабарига кўра, "гилослар" ПСВ Эйндховен вингери Жоан Бакайоко хизматларига қизиқиш билдирмоқда.
Манбага кўра, "Борнмут" аллақачон 25 миллион евро атрофида бўладиган биринчи таклифни тайёрламоқда. 22 ёшли вингер ўзини Англия Премьер-лигасида синаб кўришга тайёр, аввалроқ унинг ривожланишини бошқа номдор клублар кузатиб борган.
Ўтган мавсумда Бакайоко Нидерландия чемпионатида 9 та гол ва битта ассист қайд этди. Жоан "Борнмут"нинг ёзги мавсум оралиғидаги илк трансфери бўлиши мумкин.
