"Atletiko" Pyero Inkapiega qiziqish bildirmoqda.

Mundo Deportivo xabariga ko‘ra, Madrid klubi chap qanot himoyasini kuchaytirish imkoniyatlarini ko‘rib chiqmoqda. Diyego Simeone bu rolda "Benfika"dan Alvaro Karrerasni ko‘rishni istardi, ammo futbolchi "Real" bilan shartnoma imzolashga yaqin turibdi.

Alexandro Grimaldo muhokama qilinmoqda, ammo "Bayer" himoyachisining transferi istisno qilinmasa ham, dargumon. Klub tarkibni yoshartirishga harakat qilmoqda, shu bois sentyabrda 30 yoshga to‘ladigan futbolchi bilan shartnoma imzolash ularning rejalarida yo‘q. Bundan tashqari, leverkuzenliklar taxminan 30 million yevro so‘rashadi.

Avvalroq Grimaldoga "Barselona" va "Real" qiziqish bildirgandi.

Simeone qanotda yaxshi chidamli, o‘yinning ma’lum daqiqalarida himoya markazida o‘ynay oladigan himoyachini ko‘rishni xohlaydi. Shuni inobatga oladigan bo‘lsak, "matraschilar" uchun asosiy variantlardan biri "Real"ni ham qiziqtirayotgan Pyero Inkapiedir.

Ma’lum bo‘lishicha, "Atletiko" allaqachon ekvadorlik futbolchi bilan bog‘langan. Agent ham, futbolchining o‘zi ham Ispaniya chempionatiga o‘tish imkoniyatini ijobiy baholamoqda.