"Атлетико" Пьеро Инкапиэга қизиқиш билдирмоқда.
Mundo Deportivo хабарига кўра, Мадрид клуби чап қанот ҳимоясини кучайтириш имкониятларини кўриб чиқмоқда. Диего Симеоне бу ролда "Бенфика"дан Алваро Каррерасни кўришни истарди, аммо футболчи "Реал" билан шартнома имзолашга яқин турибди.
Алехандро Гримальдо муҳокама қилинмоқда, аммо "Байер" ҳимоячисининг трансфери истисно қилинмаса ҳам, даргумон. Клуб таркибни ёшартиришга ҳаракат қилмоқда, шу боис сентябрда 30 ёшга тўладиган футболчи билан шартнома имзолаш уларнинг режаларида йўқ. Бундан ташқари, леверкузенликлар тахминан 30 миллион евро сўрашади.
Аввалроқ Гримальдога "Барселона" ва "Реал" қизиқиш билдирганди.
Симеоне қанотда яхши чидамли, ўйиннинг маълум дақиқаларида ҳимоя марказида ўйнай оладиган ҳимоячини кўришни хоҳлайди. Шуни инобатга оладиган бўлсак, "матрасчилар" учун асосий вариантлардан бири "Реал"ни ҳам қизиқтираётган Пьеро Инкапиэдир.
Маълум бўлишича, "Атлетико" аллақачон эквадорлик футболчи билан боғланган. Агент ҳам, футболчининг ўзи ҳам Испания чемпионатига ўтиш имкониятини ижобий баҳоламоқда.
