"Kristal Pelas" hujumchi Jan-Filip Mateta bilan shartnomani uzaytirmoqchi. Bu haqda Sky Sports xabar bermoqda.
"Manchester Yunayted" va "Yuventus" futbolchini o‘z safiga qo‘shib olmoqchi ekani haqida xabarlar tarqalgan edi. Uning "burgutlar" bilan amaldagi shartnomasi 2026 yilning yoziga qadar mo‘ljallangan.
Londonliklar futbolchini erkin agent sifatida qo‘yib yuborishni istamayapti, yangi shartnoma klub ehtimoliy transfer bo‘yicha daromad olishini kafolatlashi mumkin. Futbolchilarning transfer qiymatini baholashga ixtisoslashgan Transfermarkt statistik internet portali ma’lumotlariga ko‘ra, fransiyalik futbolchining narxi 30 million yevroni tashkil qiladi.
Mateta o‘tgan klub mavsumida 46 ta o‘yinda 17 ta gol urdi va 4 ta golga assistentlik qildi.
