"Кристал Пэлас" ҳужумчи Жан-Филип Матета билан шартномани узайтирмоқчи. Бу ҳақда Sky Sports хабар бермоқда.
"Манчестер Юнайтед" ва "Ювентус" футболчини ўз сафига қўшиб олмоқчи экани ҳақида хабарлар тарқалган эди. Унинг "бургутлар" билан амалдаги шартномаси 2026 йилнинг ёзига қадар мўлжалланган.
Лондонликлар футболчини эркин агент сифатида қўйиб юборишни истамаяпти, янги шартнома клуб эҳтимолий трансфер бўйича даромад олишини кафолатлаши мумкин. Футболчиларнинг трансфер қийматини баҳолашга ихтисослашган Transfermarkt статистик интернет портали маълумотларига кўра, франциялик футболчининг нархи 30 миллион еврони ташкил қилади.
Матета ўтган клуб мавсумида 46 та ўйинда 17 та гол урди ва 4 та голга ассистентлик қилди.
