Tarixi yuz yildan ko‘proqqa borib taqaladigan Italiyaning "Breshiya" klubi o‘z faoliyatini to‘xtatishga yaqin turibdi.
Andrea Pirloni jahon futboliga tuhfa etgan jamoa yakunlangan turnir yakunlariga ko‘ra B seriyani tark etdi. Moliyaviy muammolar tufayli jamoa rahbariyati futbolchilar va xizmat ko‘rsatuvchi xodimlarning maoshlarini, shuningdek, keyingi mavsum uchun ro‘yxatdan o‘tish to‘lovini to‘lay olmayapti.
"Breshiya"ning qarzlari miqdori 8 million yevroni tashkil qiladi. Katta ehtimol bilan jamoa quyi ligada boshqa nom ostida qaytadan tuziladi. Klub so‘nggi bor Italiya futboli elitasida 2019-20 yilgi mavsumda o‘ynagan.
