Тарихи юз йилдан кўпроққа бориб тақаладиган Италиянинг "Брешия" клуби ўз фаолиятини тўхтатишга яқин турибди.
Андреа Пирлони жаҳон футболига туҳфа этган жамоа якунланган турнир якунларига кўра Б серияни тарк этди. Молиявий муаммолар туфайли жамоа раҳбарияти футболчилар ва хизмат кўрсатувчи ходимларнинг маошларини, шунингдек, кейинги мавсум учун рўйхатдан ўтиш тўловини тўлай олмаяпти.
"Брешия"нинг қарзлари миқдори 8 миллион еврони ташкил қилади. Катта эҳтимол билан жамоа қуйи лигада бошқа ном остида қайтадан тузилади. Клуб сўнгги бор Италия футболи элитасида 2019-20 йилги мавсумда ўйнаган.
