"Barselona" bosh murabbiyi Xans-Diter Flik endi jamoasida darvozabon Mark-Andre ter Shtegenni ko‘rishni istamayapti. Mundo Deportivo xabariga ko‘ra, bunga futbolchining Ispaniya chempionatida "Vilyarreal"ga qarshi o‘yindan keyingi xatti-harakatlari sabab bo‘lgan.
Qayd etilishicha, "sariq submarina" bilan o‘yindan so‘ng ter Shtegen sardor sifatida stadionda muxlislar oldida nutq so‘zlashi kerak edi. Oxir-oqibat, nemis o‘yin amaliyoti kamligiga norozilik sifatida buni qilishdan bosh tortdi. Bu bilan ter Shtegen nafaqat Flikning, balki prezident Joan Laportaning ham jahlini chiqardi.
Eslatib o‘tamiz, avvalroq ter Shtegenga Italiyaning "Milan" klubi qiziqish bildirayotgani ma’lum bo‘lgandi.
